بتفتكر إن الـUX مجرد أزرار ملونة وألوان حلوة؟ اكتشف السر الحقيقي اللي بيحدد إذا التطبيق هينجح أو يفشل، مع أمثلة واقعية وتدفقات مستخدم من مصمم UI/UX محترف فريلانسر.
لا يوجد مصمم على وجه الأرض لا يريد أن تطبيقه ينجح، أو المشروع الذي يعمل عليه، أريدك اليوم أن تتخيل معي إنك قاعد معايا دلوقتي بنشرب شاي وبتحكيلي عن مشروعك اللي بتحلم يبقى ناجح، وللأسف كل كلامك يدور حول شئ تعتقد إنه السر في نجاح التطبيق، وهو إن الأزرار تبقى لامعة والألوان تكون trendy؟ أعذرك تماماً، فأن أغلب المصممين خاصة المبتدئين بيفكروا كده في البداية، لكن الحقيقة أعمق بكتير، تجربة المستخدم (UX)مش مجرد طبقة تجميلية يا صديقي، دي هي اللي بتحدد إذا كان الناس هيفتحوا التطبيق تاني ولا هيمسحوه من أول دقيقة، في المقالة دي هكشفلك السر الحقيقي اللي بيفرق بين التطبيق الناجح والفاشل، وهنربط الكلام بشغلي أنا أحمد الفيومي، مصمم UI/UX محترف في مصر والسعودية والإمارات، وبشتغل فريلانسر من سنين، خلينا نبدأ خطوة بخطوة، بطريقة بسيطة وواقعية زي ما بنتكلم مع بعض.
الناس كتير بتخلط بين UI (واجهة المستخدم) والـUX (تجربة المستخدم) الـUI زي الملابس اللي بتلبسها: شكلها حلو، لونها جذاب، تصميمها أنيق لكن الـ UX هو الإحساس اللي بتحسه وأنت لابس اللبس ده: هل مريح؟ هل بيخليك تتحرك بسهولة؟ هل بيحسسك بالثقة؟
أدخل موقعي من:(هنا)،هتلاقيه مليان أمثلة حية، دايمًا بقول إن الـUX هو "اللي بيخلي المستخدم يحس إنه فاهم التطبيق من غير ما يفكر" يعني لو حد فتح تطبيقك وقدر يوصل لهدفه في أقل من 30 ثانية بدون ما يتوه، ده معناه إن الـ UX ناجح، مش معناه إن الألوان حلوة فقط.
السر مش في عدد الألوان أو شكل الأيقونات، السر في الإجابة على 3 أسئلة أساسية في دماغ المستخدم:
1. أنا فاهم بعمل إيه دلوقتي والخطوات سهلة وسلسة ولا لأ؟
2. هل هقدر أوصل لهدفي بسرعة وبدون تعب؟
3. هل أنا واثق إن الخطوة دي آمنة وصح؟
لو الإجابة "أيوه" على التلاتة في كل خطوة، التطبيق هينجح لو "لأ" في أي واحدة منهم، هيتركه.
ده اللي بيفرق بين تطبيقات زي طلبات (اللي الناس بترجعله كل يوم) وتطبيقات كتير تانية بنشوفها مرة واحدة وننساها.
- تطبيق أوبر/كريم: مش بس الألوان الخضراء اللي خلته ناجح، السر في إنك تشوف السائق على الخريطة في الوقت الحقيقي، تعرف وقت الوصول بدقة، وتدفع بدون ما تفتح محفظة تانية ده UX ناجح 100%.
- إنستغرام: لما عملوا إعادة تصميم الـ Stories، ركزوا على إنك تقدر تضيف صورة أو فيديو في ثواني، بدون ما تدور في قوائم النتيجة؟ ودا أدى إن الناس بتقضي عليه وقت أطول بكتير.
-مثال محلي: أنا أحمد الفيومي ساعدت شركة سعودية في إعادة تصميم تطبيق تجارة إلكترونية قبل التصميم الجديد كان الناس بيتركوا عربية التسوق في الخطوة الأخيرة، بعد ما ركزت على تبسيط عملية الدفع وإظهار الثقة (شهادات، تقييمات، أمان الدفع بوضوح)، نسبة الإكمال زادت بشكل ملحوظ.
:تدفق مستخدم ناجح في تطبيق تسوق
UX سلس وواجهة معقدة مليانة خيارات
Figma لتطبيق موبايل يركز على تجربة مستخدم بسيطة وواضحة
نحن كمصممين بنركز على حاجات كتير مش ظاهرة للعين:
- البحث عن المستخدم(User Research): مقابلات، استبيانات، تحليل سلوك
- رسم خريطة رحلة المستخدم (User Journey Map)
- اختبارات قابلية الاستخدام (Usability Testing) مع ناس حقيقيين
- الوصولية (Accessibility): عشان الناس اللي عندهم إعاقات يقدروا يستخدموا التطبيق
- الأداء والسرعة: لو التطبيق بطيء، الـUX هيبوظ حتى لو التصميم تحفة
- التكرار والتحسين المستمر بعد الإطلاق
أنا بطبق كل ده في مشاريعي، أنا مش بصمم واجهة وخلاص، لا، بتابع مع العميل بعد الإطلاق ويعمل تحديثات بناءً على ردود الفعل الحقيقية.
في 2026، السوق الرقمي مشتعل في المنطقة دي حرفياً، الناس بقت تتوقع إن أي تطبيق بيشتغل زي الساعة، ولو حسّت بأي تعقيد هتمسحه فورًا، الشركات اللي بتستثمر في تجربة مستخدم ممتازة بتكسب ولاء العملاء وبتقلل تكلفة اكتساب عميل جديد.
لو بتدور على مصمم تطبيقات محترف أو عايز مصمم يعمللك تطبيق يفرق فعلاً، لازم تركز على اللي بيفهم الـUX بعمق، مش بس بيرسم واجهات حلوة.
التركيز على UI فقط = شكل حلو لكن الناس بتترك التطبيق سريعًا، (كم من التطبيقات الكتيرة بنشوفها مرة وننساها)
التركيز على UX كامل= مستخدمين مستمرين وراجعين كل يوم، (تقييمات عالية، مثال زي طلبات، أوبر، توكلنا، نون)
لو وصلت لهنا ومقتنع إن الـUX هو السر الحقيقي، وبتفكر تعمل تطبيق يفرق فعلاً في السوق، وبتفكر عايز حد يعمللي تطبيق، فأنت في المكان المناسب، ليه أنا الشخص المناسب؟ خبرة في تصميم واجهات وتجربة مستخدم لتطبيق، مع الفهم العميق للسوق المحلي في مصر والسعودية والإمارات، لذا أنت امام خيار قوي.
تواصل معي دلوقتي عبر:
دا شغلي [Behance]
أو حمل السيرة الذاتية من [هنا]
لا تتردد في الأتصال بي، ولا تتردد في أن تبدأ الخطوة الأولى النهاردة، وتذكر يا صديقي التطبيق الناجح مش بيبدأ بتصميم حلو، بيبدأ بفهم عميق للمستخدم.
هل لديك أسئلة؟ لدينا إجابات لمساعدتك في تحقيق أقصى استفادة
هل تبحث عن مصمم يحوّل فكرتك إلى تجربة مميزة؟ تواصل معنا الآن واحصل على استشارة مجانية لمشروعك
مقالات يومية تساعدك علي فهم عالم تجربة المستخدم بشكل أفضل من خلال شرح بسيط
