دليل شامل لاختيار طرق أبحاث تجربة المستخدم (UX Research) المناسبة لمشروعك
أهلا أصدقائي، تخيل معايا الموقف ده: واحد صاحب شركة صغيرة في الرياض أو القاهرة بيتصل بيا وقالي "عايز مصمم يعمللي تطبيق"، ابتدينا نتناقش وبعد الأستماع له أتضح إنه عنده فكرة تطبيق رائعة بس مش عارف الناس هتستخدمه إزاي فعلاً، ولا إيه اللي هيخليهم يرجعوا يفتحوه كل يوم، الفكرة نفسها ممتازة لكن التطبيق العملي موتره ومخليه خايف من رد فعل المستخدم أو الفشل، هنا بالضبط بيبدأ دور أبحاث تجربة المستخدم، مش بس تصميم شكل حلو، ده فهم عميق للمستخدم الحقيقي.
أنا كــ مصمم تطبيقات محترف، وبعد سنين طويلة في تصميم واجهات وتجربة مستخدم لتطبيق، لقيت إن أكبر غلطة الناس بتعملها إنها تركز على طريقة بحث واحدة بس (غالباً اليوزر تيستينج أو السرفيهات)، وتسيب الباقي، في مقالة النهاردة هنتشرح إزاي تختار الطريقة الصح من بين 20 طريقة مختلفة، حسب مرحلة المشروع والسؤال اللي عايز تجاوب عليه، الفكرة الأساسية في المقالة دي إن كل طريقة بحث بتجاوب على أسئلة مختلفة، وبتنقسم على ثلاث محاور رئيسية، هنتكلم فيها كلها ونوضحها ببساطة يلا بينا.
المحاور الثلاثة اللي بتحدد الطريقة المناسبة
أول محور: هل اللي الناس بتقوله (Attitudinal) هو اللي بتعمله (Behavioral)
كتير مننا بنسمع "الناس بتقول كده"، لكن لما نشوفهم بيستخدموا التطبيق فعلياً بنكتشف إنهم بيعملوا حاجة تانية خالص مثلاً، في مشروع سابق لتطبيق توصيل في مصر، العملاء كانوا بيقولوا في المقابلات إنهم عايزين خيارات دفع كتير، لكن لما عملنا تحليل للـ analytics، اكتشفنا إنهم بيختاروا الكاش 80% من الوقت، الطرق اللي بتركز على "ما بيعملوه" زي الـ field studies أو A/B testing بتدينا الصورة الحقيقية.
تاني محور: نوع البيانات نوعي (Qualitative) ولا كمي (Quantitative)
النوعي بيساعدك تفهم "ليه" و"إزاي"، زي المقابلات أو الـ diary studies اللي المستخدم بيكتب فيها يومياته أما الكمي بيجاوب "كام" و"كم مرة"، زي الـ surveys أو الـ analytics أحسن حاجة إنك تخلط الاتنين، في إعادة تصميم تطبيق، لشركة في الإمارات، استخدمنا usability testing (نوعي + شوية كمي) مع analytics (كمي 100%)، واكتشفنا إن زرار معين بيخلي الناس تترك التطبيق في أقل من 10 ثواني، رقم محدد ساعدنا نقنع العميل يغيره فوراً.
تالت محور: سياق الاستخدام.. هل المستخدم في بيئته الطبيعية، ولا من خلال lab، ولا مجرد بنتكلم نظرياً
الطرق الطبيعية زي الـ field studies أو diary studies بتديك واقع، لكنها غالية وبتاخد وقت، الطرق المخبرية زي usability testing بتكون أسرع ومركزة.
مراحل تطوير المنتج وأفضل الطرق لكل مرحلة
المنتج بيمر بثلاث مراحل كبيرة، وكل مرحلة عندها طرق بحث مثالية:
مرحلة الاستراتيجية (Strategize).. اكتشاف الفرص
هنا عايزين نفهم المشكلة الحقيقية والاحتياجات.
- Field studies: تروح تشوف الناس بيعملوا إيه في حياتهم اليومية، أذكر مرة في السعودية، عملنا زيارة ميدانية لسواقين توصيل، واكتشفنا إن التطبيق مش بيحسب المسافة صح في الزحمة، ودي كانت حاجة محدش فكر فيها واكتشفناها إثناء الزيارة على ارض الواقع.
- Interviews و Diary studies: تسمع قصصهم الشخصية.
- Concept testing: توريهم فكرة مبدئية وتشوف رد الفعل.
مرحلة التصميم (Design)، تحسين الواجهة
لما تقرر اتجاهك، هتبدأ تحسن تصميم واجهة تطبيق موبايل.
- Card sorting و Tree testing: عشان تعرف إزاي الناس بيفكروا في تنظيم المحتوى.
- Usability testing (moderated أو remote): تشوف الناس بتستخدم الـ prototype إزاي، أنا شخصياً بحب الـ remote moderated testing لأنه بيخليني أشتغل مع عملاء في مصر والسعودية والإمارات من غير سفر.
- Participatory design: تخلي المستخدمين يشاركوا في التصميم بنفسهم.
مرحلة الإطلاق والتقييم (Launch & Assess)
بعد الإطلاق، تقيس الأداء.
- Analytics و Clickstream: تشوف السلوك الحقيقي.
- A/B testing: تجرب نسختين وتشوف أي واحدة أفضل.
- Surveys و Usability benchmarking: تقارن بين المنافسين أو النسخة القديمة.
ليه لازم تخلط الطرق؟
لو اعتمدت على طريقة واحدة بس، هتفوتك صورة كاملة، مثلاً، في مشروع مصمم UI UX في مصر اشتغلت عليه، السرفيهات قالت إن الـ onboarding طويل، لكن usability testing أظهر إن المشكلة مش الطول، ده الـ copy مش واضح الجمع بينهم وفر شهور من التعديلات الخاطئة.
لو بتدور على مصمم مواقع فريلانسر أو مصمم تطبيقات محترف يفهم البحث كويس، هيقدر يبني لك منتج مش بس شكله حلو، لكن الناس بتحبه وبتستخدمه فعلاً. سواء كنت في مصر أو السعودية أو الإمارات، الـ UX research ده اللي بيفرق بين تطبيق ينجح وبين واحد يترك في الرف.
المهم إنك تبدأ بسؤال واضح: "أنا عايز أعرف إيه بالضبط؟"، وبعدين تختار الطريقة (أو الخليط) اللي يجاوب عليه، جرب، اتعلم، وهتلاقي النتايج بتتحسن بشكل ملحوظ.
